"NANDOON daw pala si Mayora?”
Napatingin si Fabella sa biglang tanong ni Carmie. Nasa may arcade sila ng mall at parang mga batang naglalaro doon.
“Huh? Hindi ko nakita. Pero ang alam ko rin talaga ay pupunta siya roon. Baka naman na-late lang siya ng dating,” Fabella declared.
“Oo. Tapos na raw ang laro,” sagot ni Carmie. Natigilan naman kaagad si Fabella. Paano nito nalaman na tapos na ang laro?
Nang tingnan niya ang pinsan niya’y hawak nito ang cellphone niya at nagta-type ng kung ano roon.
“Sino nagsabi sa iyo na tapos na ang laro?” Fabella asked.
“Si Achill. Hinahanap niya ako. Bakit daw ang tagal ko,” sabi nito. Kumunot lang ang noo ni Fabella. Ano nga ba ang ina-arte ng kaibigan niya’t ayaw niyang pumunta ng gymnasium kanina? Kung tutuusin ay dumating na siya—nasa kalagitnaan
