“Pagpasensyahan ninyo ang bahay namin dito, hindi siya katulad ng sa bahay ninyo sa Manila na sobrang laki at sobrang linis.” Sabi ni Mamang habang pumapasok kami sa loob.
Hindi na muna namin pinapasok ang mga bodyguard. Kinausap na rin sila ni Black na sa labas na lang muna manatili dahil hindi talaga kami kakasya sa loob ng bahay kung pati sila ay sasama sa loob. Pumayag naman ang lahat na mag stay sa labas. Si Liyen nga ay mas piniling wag na lang pumasok sa loob. Siyempre ‘di ako papayag, para ko na siyang kapatid at saka gusto siyang isama ni Kuya Jesam sa loob ng bahay. Di tinatantanan pati ng tingin, mukhang tipo pa ni Kuya si Liyen. Medyo kinilig ako sa sariling iniisip. Si Liyen na kaya ang magpapabago sa kuya ko?
“Ba’t may kalat sa mga upuan, Jordan, ‘di ba sinabi ko sa iyo a
