Hindi napigilan ni Roselda ang mapatingin sa dalawang maskuladong sirenong nagbabantay sa b****a kung saan sila ay papasok. Hindi siya nakatingin sa mga sandata nilang tila gawa sa bato, kundi sa mga buhok nilang parehas na dreadlocks ang ayos. Tulad ng ibang Tigmamayran, tadtad rin ng marka ang mga katawan nila.
Iginiya sila ni Askala sa loob ng isang napakalawak na yungib na naiilawan ng malamlam na berdeng liwanag. Ito ay may mga butas rin sa dingding, kasing taas ng kanilang pinto ng bahay at mga isang dipa ang lapad, at sa mga butas na ito ay iilang mga sireno at sirena ang labas-masok na may kanya-kanyang dala. Napansin niyang sa dibdib nila ay naroon ang marka ng isang manggagamot.
Marahil ay ito ang pagamutan, naisip ng dalaga. At sila ang mga nurse.
Nagawi ang tingin niya kay A
