PASADO alas diyes ng umaga nang huminto ang kotseng minamaneho ko sa tapat ng bahay nina Mama Yolly. Agad na nag-init ang mga mata ko habang tinitignan sa labas ng bintana ang bahay na lagi naming tinatambayan namin ng mama ko noong bata pa ako, ang bahay na naging tahanan ko simula noong maulila ako.
Biglang nag-flashback sa isipan ko ang mga masasayang alaalang nangyari sa akin sa loob ng bahay na ito.
Natigil lang ako sa pag-iisip nang magsalita si Athena mula sa backseat.
"Mommy, let's go! Hinihintay na tayo nina lola." Tinanggal na nito ang seatbelt at nilagay na sa loob ng bag ang tablet na nilalaro nito kanina.
"Okay." Pinatay ko na ang makina ng sasakyan at kinuha ang shouder bag na nakapatong sa passenger's seat. "Let's go."
Lumabas na kami ng sasakyan at magkahawak kamay na
