NANG magising kami ni Athena ay wala na si Tyrone sa kama. Kumunot ang noo ko. Kagabi kasi ay napagkasunduan namin na sabihin na kay Athena ngayong umaga na si Tyrone ang totoong ama nito.
Agad ko siyang tinawagan sa cellphone. Nakahinga ako nang maluwag nang sinabi niyang nagluluto siya ng breakfast sa kusina.
Bumaling ako kay Athena na noon ay nakahiga pa rin sa kama. "Anak, gusto mo bang makilala kung sino ang daddy mo?"
Pinanlakihan ng mga mata ang anak ko. "Opo, mommy! Naka-uwi na ba si daddy?"
"Yes, baby. At siguradong matutuwa ka kapag nakilala mo siya."
Bumangon na ito sa kama at hinila ang kamay ko. "Tara na, mommy! Puntahan na natin si daddy!"
Bumangon na rin ako sa kama. Nagtungo muna kami sa C.R. para maghilamos at mag-toothbrush. Nang makababa kami sa hagdan ay inabutan
