TYRONE'S POV
HINDI ako mapakali habang hinihintay ang pagdating ni Maxene sa simbahan. Mahigit isang oras na siyang late sa kasal namin. Labis akong nag-aalala para sa kaniya dahil ayon kay Jhossa ay mas naunang umalis ang sasakyan ni Maxene sa hotel kanina. Tinawagan na nila si Maxene pati ang driver ni Jhossa pero walang sumasagot ni isa sa kanila.
Nilibot ko ang paningin sa labas ng simbahan. Nakatayo ako noon malapit sa pinto ng simbahan kasama ang pamilya ko at ilang matalik na kaibigan.
Mayamaya ay dumako ang paningin ko kina Jhossa. Pinanlakihan ako ng mga mata nang makitang may kausap siyang isang lalaki. Kung hindi ako nagkakamali ay driver ito ni Jhossa at ito ang naka-aasign na maghahatid kay Maxene sa simbahan.
Nagpaalam ako sa pamilya ako at dali-daling lumapit sa mga ito.
