NAGULAT ako nang biglang bumukas ang pinto ng opisina. Bumungad sa akin ang hindi maipintang mukha ni Tyrone. Nilibot niya ang mga mata sa paligid na para bang may hinahanap.
"May kailangan ka ba, Mr. Imperial?" kaswal kong tanong sa kaniya.
"Nasaan ang lalaki mo?"
Kumunot ang noo ko. "Sinong lalaki?"
"Hindi ako papayag na magpakasal ka kay Andrew!" Padabog niyang sinara ang pinto at inilang hakbang ang lamesa ko.
"Anong pinagsasasabi mo?"
"Tumawag sa akin si Athena. Sinabi niya sa akin na nag-propose sa 'yo si Andrew."
Pinigilan ko ang pagtawa. Marahil ay nakita kami ni Athena kanina ni Andrew noong nagpra-practice itong mag-propose sa girlfriend nito. Sinakyan ko na lang ang maling akala ni Tyrone para hindi na niya ako guluhin pa.
"Ano naman ngayon kung magpapakasal kami ni An
