NANG maka-uwi ng bahay ay agad akong dumecho sa loob ng aking silid. Agad akong nahiga sa ibabaw ng kama para ipahinga ang pagod kong katawan. Isang buwan akong hindi nagtrabaho kaya marahil ay nanibago ang katawan ko sa pagod.
Tila nabawasan naman ang stress at pagod ko nang maalala ang eksena sa opisina ni sir Tyrone kanina. Hanggang ngayon ay tila ramdam ko pa rin ang mainit niyang halik sa aking mga labi.
Mayamaya ay patamad kong inabot ang shoulder bag na nasa aking paanan. Bigla ko kasing naalala ang welcome gift na binigay niya sa akin kahapon. Kinuha ko ang kahon sa loob ng bag at binuksan iyon.
Napabalikwas ako ng bangon matapos makita ang laman niyon. Isa iyong white gold necklace na may heart shaped pendant na napapalibutan ng mga brilyantitos.
Napamaang ang aking mga labi s
