TYRONE'S POV
Mahigit isang linggo ko nang tinatawagan si Maxene subalit hanggang ngayon ay hindi ko pa rin siya ma-contact. Ilang beses ko siyang tinext at pilit na pinapunta sa opisina ko subalit hindi siya nag-reply kahit isang beses. Pabalik-balik din ako sa bahay at sa shop niya pero hindi ko nakita ni anino niya. Mukhang iniiwasan na naman niya ako.
Patuloy akong gumawa ng paraan para makasama ulit ang babaeng hanggang ngayon ay laman ng puso't isip ko. Pati si Valeen ay ginamit ko na para lang makita ko ulit si Maxene.
Laking tuwa ko nang sa wakas ay sumulpot siya isang araw sa opisina ko.
"Good afternoon, Maxene!" todo ngiting bati ko nang makita siya.
"Good afternoon, Mr. Imperial. Ang sabi ni Valeen may sasabihin daw kayong importante sa akin tungkol sa kasal n'yo," pormal
