PAGGISING ko kinaumagahan ay wala na si Tyrone sa kama. Nag-iwan lang siya ng isang note na nakapatong sa ibabaw ng unan niya.
"I have an early meeting. See you at the hotel later. I love you."
Napangiti ako matapos mabasa ang message. Ngunit may isang bahagi ng puso ko ang nalulungkot dahil hindi ko man lang siya nakita bago siya umalis. Nasanay na kasi ako nitong mga nakaraang araw na ang g’wapo niyang mukha ang una kong nasisilayan kapag gumigising ako sa umaga. Ilang sandali pa lang kaming nagkakahiwalay ni Tyrone pero nami-miss ko na siya agad.
Malungkot akong napabuntong hininga. Marahil ay nagtampo siya sa akin dahil tinanggihan ko ang kagustuhan niyang maangking ang katawan ko kagabi.
Mabigat ang katawan na bumangon ako sa kama para mag-ayos na sa pagpasok sa trabaho.
Pinapu
