[S]hane
Sadyang nakakapagod ang araw na ito. Pabulagta akong humiga sa kama at tahimik na tumitig sa chandelier na nakasabit sa kisame ng kwarto ko.
Nitong mga nagdaang araw hindi ko maintindihan ang mga inaakto ni Master Greco. Yung pag-aasikaso niya. Yung paghawak niya sa kamay ko. Higit sa lahat ang pagpunas niya ng dumi sa labi ko.
Ano ang ibig ipahiwatig ng mga nun? May ibig sabihin ba yun sa kanya? Kasi ako sobrang apektado na. Ginugulo niya ang buong sistema ko. Ngayon lang sa akin nangyari ang ganitong pakiramdam at hindi ko hinangad na maranasan ito.
Paulit-ulit ko na lang sinasabi na nakababaliw. Baliw na ako.
Ano na kaya ang ginagawa niya ngayon sa kwarto niya? Mag-isa na naman siya sa loob tulad ko. Kami lang dalawa ang nasa buong mansyon. Umuwi na rin si Elisse bago ka
