"Aalis ka na naman?" tanong niya kay Braxton nang magpaalam itong pupunta sa Bangkok, Thailand para sa isang business conference. Isang linggo na naman itong mawawala. Hindi pa man nakakalabas sa ospital ang anak nila at mag-isa lang siya sa bahay na mangungulila. Araw-araw ay gusto niyang puntahan ang anak sa ospital para makasama. Isang linggo pa ang hihintayin niya para tuluyan itong maiuwi sa bahay.
"Kailangan kong tapusin lahat ng trabahong nakaatang sa akin bago ko iwanan kay Papa ang kumpanya. Aalis naman tayo pagkatapos. Pupunta tayo sa Amerika para doon na tayo magpakasal."
Kahit labag sa loob niya ay napilitan siyang tumango. Simula nang manganak siya ay lalo siyang naging dependent kay Braxton. Gusto niyang lagi niya itong kasama. Kahit paano ay naiibsan ang pangungul
