Pumasok sa silid si Braxton pero hindi ito humiga sa tabi niya. Wala na siyang maiiyak. Namamanhid na ang pakiramdam niya. Hindi niya lubos maisip na ganito lang kababaw ang pagkakakilala nito sa kanya.
"Maaga ako dito bukas para isabay ka sa pagpunta sa ospital."
Kung may iba lang siyang mahihingan ng tulong ay hindi niya gustong sumama kay Braxton. Ang anak na lang niya ang inaalala niya ngayon. Alam niyang mas lalong walang pag-asa na papayag si Felix na makasal sila ng anak nito.
Kinabukasan ay maaga siyang bumangon dahil halos hindi rin naman siya nakatulog. Iniisip niya kung paano ba ang mabuhay kapag umalis siya sa poder ni Braxton. Paano ba niya bubuhayin ang anak niya nang mag-isa? Itatapon na lang ba niya nang ganoon ang pagmamahal niya sa kasintahan?
Magpapakasal pa sila sa
