SHEINA
Tahimik lang ako buong biyahe pabalik ng bahay namin sa San Policarpio. Bukod kasi sa nahihilo pa rin ako mula sa ininom naming tatlo nina Larry at Claire kanina, tinamaan na rin ako nang matinding hiya dahil nga naalala ko na naman ang katangahan ko kanina. Mabuti na nga lang at tahimik din si Jeron habang nagmamaneho siya. Kasi kung inaasar niya ako ngayon sa ginawa ko baka nasapak ko na siya.
Naloloka na nga ako eh. Kung ano-ano na ang pumapasok sa utak ko ngayon. Epekto siguro 'to ng alak. Nariyang naiisip kong baka kaya siya nandoon sa bahay kanina ay dahil gusto niya nga akong kumprontahin sa na-send ko sa kanya. Baka sinumbong niya sa pamilya ko ang katangahang nagawa ko kaya ngayon ay iniisip na nina Nanay na gusto kong makipagbalikan kay Jeron! And knowing Kuya Kris, baka
