Parehong nakatulog sa byahe sina Hillary at Adelhine, habang maingat namang nagmamaneho si Matteo. He chose MacArthur Highway/ Manila North Road. Mas pinili niya ang rutang iyon kaysa Maharlika Highway dahil dadaan sila ng San Fernando. Mahilig silang tatlo sa dagat kaya puwede sila roong mag-stopover, kung gugustuhin lang din naman ng dalawa niyang kasama.
Balak din niyang dumeretso sila ng Sagada, pero hindi rin niya tiyak kung hanggang doon nga lang ang magiging byahe nila. Wala naman talaga silang tiyak na pupuntahan. Baka nga tumuloy pa sila hanggang Batanes. Wala namang urgent sa opisina niya at si Gabby naman ay sinigurado sa kaniya na ito na ang bahala sa Gabhenee. Hindi niya rin naman kinaligtaang ipagpaalam si Adelhine sa kaibigan nito, dahil alam niyang ito na lang ang pamilya
