Pullman Paris Tour Eiffel
Paris, France
"Thank you, Lora," nakangiting wika ni Erika kay Lorabelle. "Akalain mo 'yun, kami 'tong mga haciendera dati pa, hindi namin naisip magpunta sa Paris. Kung hindi pa sa 'yo, baka kahit sa Maynila hindi na rin namin mapuntahan."
Lahat sila ay nasa Paris ngayon para sa dalawang linggong bakasyon. Tiyak na malilibot nila ang magagandang lugar doon at mae-enjoy lahat ng masasarap na pagkain. Pagkatapos ng mga unos sa buhay nila, mas naging matatag ang samahan nila ngayon bilang pamilya. Halos anim na buwa nang buntis na si Lorabelle sa una nitong anak kay Alejandro. Ang Mommy Lenna naman nila ay maayos na rin ang kalagayan matapos ang matagumpay na operasyon. Ngayon ay nasa sariling silid ang mga biyenan. Isinama din niya ang Papa Lucio niya na kasama
