"Nakakakilig naman ang love story niyo," wika ni Lorabelle kay Erika at Lawrence nang matapos magkwento ang dalawa.
"Mas kinikilig ka pa sa love story nila kaysa sa 'tin?" pagsisintir naman ni Alejandro. Tumawa naman ang Mommy nito at si Denisse.
"We all have our own unique love story and those are special to us. Lalo sa mga asawa niyo. Mas sentimental ang mga babae kaysa sa inyong mga lalaki," paliwanag naman ng biyenan niya.
"We have to go to our room, Mommy." Tumayo na si Alejandro hawak ang kamay niya. "Lumalalim na ang gabi dahil sa napakatagal ng kwento ng mag-asawang 'yan. Mapupuyat ang asawa ko.".
"Ang sarap pa ng kwentuhan natin ah," tanggi naman niya.
"Bukas na 'yung iba. Kailangan na nating magpahinga."
"Oo nga naman, Lora, hindi ka dapat nagpupuyat dahil buntis ka
