Alas nueve na sila nakabalik sa bahay dahil natuwa ang Mommy at Daddy nila na nakadalaw sila ni Erika sa Hacienda Luna. Hinatid pa sila ni Alejandro dahil wala silang kotseng dala.
"You look happy," pansin niya sa asawa na nakangiti pa rin hanggang ngayon. Gusto niyang isipin na dahil 'yon kay Alejandro.
"Natutuwa lang ako na nakapag-usap na kami ni Alejandro sa wakas. Akala ko galit pa rin siya sa 'kin dahil sa pag-alis ni Lorabelle," sagot nito.
"Malaking bagay pa rin talaga ang relasyon niyo ni Kuya sa 'yo, no?" Kung may pait sa tinig niya ay hindi niya alam.
"Oo..."
"Sa tingin mo, magkakabalikan ba sila ni Lorabelle?"
"Ewan ko ba do'n, ang gulo ng isip eh. Nung nandito, hindi niya mahal. Ngayon naman nagsisisi na umalis si Lora..."
"Siguro ganun nga talaga, minsan ka
