LEIN
Pagkatapos naming kumain ay umakyat na agad ako sa kwarto. Wala pa yata sa kalahating oras ang kain naming dalawa. Medyo maaga pa naman at hindi pa ako inaantok. Nakahilata ako sa higaan at nagpipindot ako sa phone ko nang pumasok din si Rheo.
"Sama ka?" tanong niya sa akin.
"Saan?"
"Maglalakad-lakad."
Na-excite ako bigla nang marinig ko iyon. Medyo late na ang pasok ko bukas ng umaga kaya ayos lang.
"Tara!" masaya kong sagot.
First time kong magagawa ko 'to at medyo excited ako. Plus ang kaisipang kasama ko si Rheo. Jusko! Aarte pa ba ako?
"Ano pang ginagawa mo? Bangon na," aya na nito at tumungo na muli sa pinto.
Nagmadali akong bumangon. Nataranta ako kung mag-aayos pa ba ako o magpapalit lang ng damit.
"'Wag ka nang magpalit. Sa malapit lang naman tayo pupunta at sak
