MATAPOS ang halos tatlong minutong paghihintay sa loob ng elevator ay bumalik din sa normal ang lahat. Napatingin naman si Mac sa dalagang nakatulog na sa kaniyang balikat dahil na rin siguro sa pinaghalong inip at pagod. Nang bumukas ang elevator ay maingat na niyang pinangko ang dalaga saka hinayon ang kaniyang sasakyan para iuwi ito sa condo niya.
Pagkarating nila sa kaniyang condo ay dahan-dahan niyang inilapag sa kaniyang kama ang dalaga. Matapos iyon ay tinanggal niya ang suot niyang black face mask saka lumuhod ng bahagya nang mapansin niyang tumabing ang ilang buhok nito sa mukha nito. Hinayon niya ang buhok nito papunta sa tainga nito at nagkaroon siya ng pagkakataon na pagmasdan ang maamong mukha ng dalaga.
“I’m sorry,” aniya habang nilalaro ng kanang hinlalaki niya ang kaliw
