Makalipas ang dalawang araw wala pa siyang nabibigay na kasagutan kay Marcus. Araw-araw naman siya nitong sinusundo sa school at kumakain sila sa labas. Para ngang nanliligaw na ito kahit hindi pa niya ito pinapayagan. Hindi kasi madali ang nais nitong mangyari sa kanila. Oo makakamtam na niya ang buhay na matagal na niyang inaasam iyun nga lang kapalit naman ang katawan niya. Noong nagawa niyang ibenta ang sarili kauna-unahang pagkakataon, wala na siyang balak ulitin pa ang bagay na iyon. Pero ngayon sa alok sa kanya ni Marcus natutukso siyang tanggapin iyon, lalo na't sa loob ng tatlong buwan ay paniguradong magmumuhay prinsesa na siya. Pero paano na siya pagkatapos ng tatlong buwan? Tanong na paulit-ulit sumisiksik sa isipan niya na hindi niya mahanapan ng kasagutan hanggang ngayon.
"A
