SHADON’s POV
Habang nag-uusap kami nina Daddy at mga kasama niya tungkol sa nangyari sa amin kanina, ang isip ko ay lumilipad na. Nandoon na ako sa loob ng aming kwarto ng aking Misis at iniisip ang mga maaaring maganap. Ilang Linggo na rin at mukhang nakalimot siya na ayaw niya akong katabi.
Kahit hindi ko naman siya tawagin kanina ay palapit na naman siya sa akin. Mas gusto ko nga lang siyang mas malapit na malapit.
Tinabig ako ng kapatid ko.
“Ang galing mo ring mag-inarte. Pang best actor ka, mas ginalingan mo. Nakuha mo na ang trono sa akin.” Sabi ng kapatid ko sa akin. Kanina pa niya ako inaasar, akala niya ay maasar naman ako. Mas kinikilig nga ako sa ginagawa niya. Hindi ko pa nasabi sa kaniya ang problema namin mag-asawa. Baka kantiyawan lang ako, kapag nalaman na hindi ako
