Maaga akong pumasok kinabukasan. Kampante ako ngayon na hindi ko na makikita pa si Arthur dahil sa pagkakaalam ko ay natapos naman ang meeting nila ni Dad kahapon. Sisipol-sipol na naglakad ako patungo sa aking opisina. Panay ang magagandang mga ngiti ng mga emplayado na naroon habang pinanunood ako maglakad. What the hell is wrong with these people?
“Good morning, Ms. Mindy.” Pagbati ni Oli. Nakangiting tinanguan ko na lang sya saka muling itinuon ang atensyon sa daan.
Halos sampong hakbang na lang yata ang layo ko mula sa aking opisina nang makita ang iba’t-ibang kulay na mayroon doon. Nagtatakang nilinga ko ang paligid at tila ba mga excited din silang makita ang laman ng opisina ko.
Nagtataka kong tinignan ang mga bulaklak na bumungad sa akin nang buksan ko ang pinto. Halos wala na
