Chapter 18
“Pero ang Lixevus na sinasabi mo ay ang nilalang na pinuno ng mga itim na ispiritu? Sinabi sa akin ni Haze na kailangan ako ng mga ispiritu upang muling mabuhay si Lixevus. I-Iyon ang hindi ko maintindihan, dahil ba sa marka ng krus sa aking palad? Dahil ba sa sinabi mo na kapangyarihan na ibinigay sa akin ni Melesiya?”
Umikot-ikot si Wann, “Oo, Lucyva. Tama rin ang sinabi ni Haze sa iyo, dahil si Lixevus at ang hari ng mga demonyo na napaslang ng great wizard na si Melesiya ay iisa.”
Nagulat siya sa sinabi ni Wann.
“Ang akala ni Melesiya ay tuluyan na niyang napaslang ang hari ng mga demonyo na si Lixevus, ngunit nilinlang lamang siya nito at tumakas ito upang pumunta sa ibang mundo. Ang mundong iyon nga ay ang mundong ito.”
“At ang dahilan kung bakit ipinapahanap ka ni L
