Chapter 67
Umalis si Haze ng bahay nila Lucyva at pumunta siya sa headquarters nila upang kausapin si Felix. Nais niyang iparating dito ang nangyari. Sa ngayon, nakikita niya na hindi pa kaya ni Lucyva na makaharap si Felix dahil sa nalaman nito sa totoong pagkatao nito. Kahit siya ay nagulat at hindi niya alam kung ano ang dapat niyang sabihin dito.
“Haze, bigyan natin ng oras si Lucyva para makapag-isip. Tiyak na nabigla lang siya sa mga nalaman niya kaya niya ‘yon nasabi. Nakikita ko pa rin sa kaniya na nag-aalinlangan siya nang sabihin niya na ayaw na niya. Hindi naman niya direktang sinabi na hindi na siya magbibigay ng tulong, hindi ba?”
Walang halos tao sa headquarters nang umagang iyon. Iilan lamang ang mga nakikita niya at ang mga nakakasalubong niya ay binabati siya ng magand
