Chapter 66
Maaga si Lucyva na nagising ng umagang iyon. Nang maramdaman niya ang kamay na nakahawak sa kaniya ay nakita niya ang kaniyang ina na hawak-hawak iyon habang nakadukdok at natutulog sa kaniyang kama. Naalarma siya, kailan pa ito naroon?
Bumangon siya at nagising ito.
“M-Mama… d-dito na po kayo natulog?”
Pinunasan ni Ellaine ang magkabilang pisngi nito. Namamaga rin ang mga mata ni Ellaine dahil sa pag-iyak.
“Hindi ko na namalayan, pinuntahan ako rito ng papa mo kagabi pero ayaw ko na umalis sa tabi mo. Natatakot ako na baka may mangyari sa ‘yo kaya binantayan kita. Hindi ko na alam kung anong oras na ako nakatulog,” sabi nito.
Parang kinurot ang puso niya sa sinabi nito. Tunay ang pagmamahal nito sa anak at ramdam na ramdam niya iyon.
“Ma... s-salamat po,” sabi niya at ni
