Chapter 60
Hindi rin niya alam kung paano dahil sinunod niya lang ang boses ng babae sa kaniyang isipan. Hindi iyon boses ni Wann dahil ang boses na narinig niya ay ibang-iba. Magaan sa kaniyang pandinig at para bang sanay na sanay na siyang marinig iyon.
“We are here.”
Napatingin na lang siya sa labas nang marinig ang boses ni Haze. Hindi na pala niya nasagot ang tanong nito dahil sa malalim niyang pag-iisip tungkol sa boses na iyon.
Bumaba si Haze ng sasakyan at pinagbuksan siya nito ng pinto. Nakita naman niya na nakaabang na si Ellaine sa gate ng bahay nila. Nakita niya ang pag-aalala sa mukha nito. Iyon talaga kasi ang nakalimutan niya. Hindi niya naibigay dito ang bagong numero na gamit niya. Nawala din kasi sa isip niya na ang cellphone na ni Haze ang ginagamit niya.
“Maganda
