Chapter 77
Hindi nakatulog si Lucyva dahil sa nangyari kagabi. Ngayon ay hirap na hirap siyang bumabangon upang gumayak dahil huling araw na ng exam. Maghapon siyang mag-e-exam ngayon dahil babawiin niya ang nailiban niya kahapon.
“Ahh, hindi ako nakapagbasa kagabi dahil sa nangyari, sana ay may maisagot ako sa mga exams mamaya. Kailangan ko na makatapos at kung hindi ay tiyak na malulungkot ang mama at papa,” sabi niya habang kumukuha ng mga damit.
Napahinto siya nang sumagi na naman sa isipan niya ang imahe ni Haze. Ang tagpo nila kagabi nang halikan siya nito. Naibaba niya ang mga damit na hawak at napataban sa kaniyang mga labi. Ni hindi niya inakala na maaaring mangyari sa kanila iyon dahil ang rason lang naman kung bakit malapit si Haze sa kaniya ay dahil siya ang makakatulong sa
