CATHERINE’S POV
“KAKALAGAN kita pero sasamahan kita sa banyo. Baka akala mo, hindi ko alam na magaling ka sa martial arts. Subukan mo lang tumakas at hindi ako matatakot na iputok sa’yon ang baril ko. Kahit patayin pa ako ni boss. Papatayin din naman niya ako kapag nakatakas ka.”
“Ang dami mo namang satsat. Ihing-ihi na ako. Puwede ba?” singhal ko sa lalaki. Totoo na kanina pa ako ihing-ihi at iihi talaga muna ako bago ko gagawin ang pinaplano ko. “Bilisan mo na! Kalagan mo na ako kung ayaw mong dito pa ako umihi sa kama.” Itinaas ko ang mga kamay kong nakatali at iniharap sa kaniya. “What are you waiting for?”
Tiningnan muna ako ng lalaki na may pag-alangan sa kaniyang mukha. Halatang duda pa rin talaga siya sa akin. At dapat lang talaga na magduda siya dahil pagkatapos kong umihi mama
