Malakas ang tugtog na bumungad sa amin nang makarating sa veneu. Ito na ang gabi ng pageant namin! Maipapakita ko na sa kanilang lahat iyong inihanda namin ng mga kaibigan ko!
Pero nang makita ko kung gaano karami ang manonood ay kinabahan ako. Mabuti na lang ay may jowa ako na humawak sa kamay ko. "You can do it, baby," sambit niya at hinaplos ang likod ng kamay ko para pakalmahin.
"Thank you!" Niyakap ko ang braso niya at huminga nang malalim bago tuluyang lumabas ng kotse niya.
Suot ko ang itim na uniporme naming mga kandidata. May tatak iyong korona na logo para sa Binibining San Juan ngayong taon. Ipina-repair namin ang t-shirt kaya naging sleeveless crop top iyon. Sa pang-ibaba naman, isang high waist pants na faded light blue denim ang suot ko. Wide leg ang istilo no'n kaya kom
