"Inuman na!"
Ang malakas na boses ni Franz ang unang narinig ko nang makabalik kami ni senyorito sa mansyon nila.
"Congrats, Rika!" pagbati sa akin ng kapwa ko kasambahay at ilang bodyguard. "Ang ganda-ganda mo!"
Napangiti ako at napanguso rin dahil sa sinserong papuri nila. "Salamat po!"
'Di pa ako naglinis ng make up pero iyong crop top na ginamit ko sa talent portion at denim pants ang suot ngayon. At iyong buhok ko, nakalugay na at medyo magulo na ang pagkakakulot.
"Pumunta na kayo roon sa loob at kumain na!"
Tumango ako at sinulyapan si senyorito sa likuran ko nang hawakan niya ang kamay ko. Nakita ko ang panlalaki ng mga mata nila pero agad din kaming nginitian.
"Happy birthday, Rika!" masayang bati nila kasabay ng pagbagsak ng confetti sa itaas ko. Kinantahan pa nila ako
