Tumango ako. Napaghandaan namin iyong tanong na iyon. Ang sagot ay love pero iba ang lumabas sa bibig ko.
"Pera," saad ko at idineretso ang tingin sa madla para hanapin ang mga taong sumuporta sa akin. "Mas pipiliin ko ang pera kasi ang pagmamahal, libre lang 'yan at mahahanap mo kahit saan. Sa pamilya, kaibigan, at kasintahan. Pero ang pera, hindi." Malungkot akong umiling. "Sa reyalidad, nabibili ng pera ang kasiyahan, nabibigyan tayo ng tahanan, napupunan nito ang mga gutom, at naisasalba nito ang buhay ng mahal natin. Maraming nagagawa ang pera, pwede ka pa ngang mahalin ng iba dahil mayaman ka." Muli kong sinulyapan si Rhianne at naabutan kong nakangisi siya.
"Iyon lang, salamat po." Kasunod non ay ng pagalingawngaw ng tunog na nagpapaalalang ubos na ang oras ko. Sakto!
"I have a
