Napanguso ako at nag-selfie na lang para sulitin ang ganda ng make-up, buhok at dress na suot. Kinuhanan ko rin ang sarili habang naka-side view para i-flex detalye ng headband, maliit na hikaw at butterfly sleeve ng dress. Naka-fierce ako at hawak ang itaas ng sleeve.
Pinakatitigan ko iyon nang matapos at napangiti. "Pang-profile!" halos sabay pa kaming banggit at kapwa tumawa.
Isa-isa naming inirampa ang dress na suot habang tumutugtog ang live band at lalakeng singer na inimbitahan. Artista at sikat 'yon kaya hindi ko masisisi ang ilang kandidata na kinilig sa kanya dahil sa harana niya.
"Erika Mendez Fernandez," malumanay na pagpapakilala sa akin ng MC nang ako na ang naglalakad sa gitna. Mahinhin at pino lang ang galaw ko. Take your time, ika nga ni Franz. Maging nang umikot ako pa
