"Ako na ang bahala, Gav," pagsasalita ulit ni senyorito bago ko naramdaman ang paglalakad niya.
Muli akong pumikit dahil sa pagkahilo dulot ng alak. "Ang kulit mo, Rika," rinig kong bulong niya.
"Gusto..." hirap na sambit ko. "...kitang makasama... senyorito," putol-putol na sambit ko at 'di namalayang umiiyak na. "Ayaw ko nang... umalis ka. Tapos 'di ka na naman babalik agad. Miss na miss na kita." Wala na akong pakialam sa sasabihin niya. Basta masabi ko lang itong nararamdaman ko para kahit papaano, gumaan ang nararamdaman ko.
"Fine," maikli pero seryosong tugon niya.
Napamulat ako at hinaplos ang pisngi niya. "Senyorito... bati na tayo. Please? Balik tayo sa dati. Noong wala ka pang girlfriend," parang batang sabi ko pero nanatili siyang nakatingin sa harapan. Ang gwapo kahit seryo
