Nag-impake ako ng mga gamit ko para sa misyon naming tatlo nina Primo Klausser at Cohen. Pasikreto kaming aalis three days from now, saktong pagsapit ng Full Moon.
Matapos kong itabi ang bagahe, sumampa ako sa kama ko habang napapabuntong-hininga at sumilip sa nakabukas na pinto ng balkonahe.
Muling naglaro sa isipan ko ang nangyari sa pagitan namin ni Cohen sa ilalim ng dagat. Hanggang ngayon ay hindi ko alam kung bakit ko ginawa iyon sa kanya. Napahilamos ako ng mukha gamit ang mga palad ko nang makaramdam na naman ng matinding pagkahiya. Kay Cohen at sa sarili ko. What have I done?
Saka ko naman napag-isip isip ang kakaibang epekto na hatid sa akin ni Primo. Kaya niyang pabilisin ang t***k ng puso ko sa pamamagitan lamang ng kanyang presensya. Kahit wala siyang gawin at tumayo laman
