Madaling araw pa lamang nang mabulabog ang katahimikan ng mansyon. Hindi dahil sa pag-aaway ng mag-asawa, kundi dahil sa sunod-sunod na tawag mula sa port operations ni Niccolo.
May mga pulis at PDEA agents na dumating sa pantalan. May nakitang kontrabando sa isa sa mga container na nakapangalan sa Altierre Shipping Lines. Isang malinaw na planting of evidence. Isang malinaw na deklarasyon ng gulo.
Nadatnan ni Lhevie si Niccolo sa sala, suot ang kanyang itim na turtleneck at isang charcoal grey overcoat. Wala na ang Niccolo na nakita niyang naguguluhan kagabi. Ang nasa harap niya ngayon ay ang Niccolo Altierre na kinatatakutan ng buong underground. Malamig, walang emosyon, at ang mga mata ay tila dalawang uling na nagniningas sa galit.
"Stay here. Don't go to the office today," maikli
