Pagsikat ng araw ay kaagad na ipinatawag ni Four sila Lisa at Alfred sa pinagkulungan ng mga sundalo. At talagang nanlaki ang mga mata nila nang makita ang nangyari sa dalawang sundalo na bihag nila. Nagkalat rin ang dugo at ang ilang mga ngipin sa sahig ng selda. Habang ang isa naman sa mga ito ay nakakubli na lang sa sulok habang pawis na pawis at nanginginig ng husto sa takot.
“Four! A-anong nangyari?” may pag-aalala at takot na tanong ni Lisa sa binata na nakatalikod sa kanila at nakaharap sa magkapatong na bangkay ng dalawang sundalo.
“Ako ang may gawa nito…” mahinang sabi ni Four.
“A-ano?! Paano?! Bakit?!”
“Hindi ko rin alam. Ang alam ko lang, nagalit ako dahil hindi ko nagustuhan ang sagot nila sa tanong ko at nagtangka silang lumaban. Pinapatigil ko sila sa pagsigaw, pero ayaw
