Halos malaglag ang mga panga ni Alfred nang makita ang nangyari sa base. Maging ang kanyang mga kasama ay hindi makapaniwala na ang dating itinuturing na tahanan ay halos, gumuho na. Kaagad na kinausap ni Alfred ang mga naatasang mag-ayos, at nang marinig niya ang balita ay kaagad siyang pumunta sa opisina ni Four. At mas nagulat siya nang malamang bumalik na ang alaala ng kinakatakutan niyang boss ng organisasyong nagpapakain sa kanila noon. Hindi siya kaagad nakasagot sa mga tanong Four. Ni hindi niya maiangat ang kanyang ulo mula sa pagkakayuko.
Lumuhod si Alfred at pagkatapos ay humingi ng patawad dahil ngayon lang siya nakabalik at hindi nakatulong sa labanan.
“Wala kang dapat ipagpaumanhin. Nasa misyon ka ng mangyari ang lahat,” sabi ni Four. “Kumusta na ang paghahanap ng pagkain?
