Napabalikwas mula sa pagkakahiga si Jeric nang makaramdam sya ng panganib.
"Jeric! Mahiga ka na muna," pigil ni Sally na inalalayan si Jeric.
"Kailangan po nating umalis. Parating na sila," ani Jeric na nagpilit bumangon.
"Anong ibig mong sabihin?" tanong ni Sally.
"May mga parating pong kalaban," sagot ni Jeric na muntik ng matumba.
Inalalayan sya ni Sally sa higaan. Mataas pa rin ang lagnat nito.
"Dito ka muna. May kukunin lang ako," ani Sally.
Kaagad tumakbo si Sally sa kwarto nya at kinuha ang gamit. Dinampot naman ni Sally ang backpack ni Jeric sa ilalim ng kama nito. Pagbalik nya ay kaagad kinuha ni Sally ang jacket ni Jeric at ibinalabal kay Jeric. Lumabas sila sa kwarto. Isang katok ang narinig nila. Kaagad sinilip ni Sally sa peeper ang tao bago pinagbuksan. Ilang kasama ni
