Pagpasok nya sa Sun room ay nagulat sya nang biglang sumigaw ang mga kaibigan nya.
"Surprise! Happy birthday!" anang buong grupo.
Naroon sina Zarah, Sol, Andy at ang mga kaibigan nya mula sa shop. Natigilan sya at hindi makapaniwala. Inawitan sya ng mga ito ng birthday song.
"Salamat po," tugon ni Jeric na hindi maipinta sa mukha ang saya.
Pumasok sa Sun Room sina Bonnie at Roche dala ang birthday cake nito.
"Happy birthday! Humiling ka na at hipan mo na ang kandila!" wika ni Roche na inakbayan si Jeric.
"Salamat po," ani Jeric na ngiting-ngiti.
Pumikit sya at humiling. Nawalan sya ng balanse at saglit na nagblack out.
"Ayos ka lang?" tanong ni Roche na kumalas nang naramdamang nawalan ng balanse si Jeric.
"Ayos lang po," sagot ni Jeric na hinipan ang kandila.
"Ano pang hinihinta
