"Jeremy, alam mo ang laki ng pinagbago mo ng makilala mo si Kuya Jude," ani Zarah.
"Pinagbago?" tanong ni Jeric.
"Mula ng makasama mo si Kuya Jude hindi ka na masyadong mahiyain, mas confident ka na. Nakikisama ka na rin sa mga classmates mo. Parang hindi na ikaw ang nakilala kong Jeric. Nakakapanibago nga ng una pero mas gusto ko ang ngayon kesa noon," wika ni Zarah.
"Masyado ba akong boring noon?" tanong ni Jeric pabiro.
"Hindi naman pero para kasing hindi ka sigurado sa mga galaw mo noon. Laging nangangapa laging masyadong kalkulado ang galaw," wika ni Zarah.
"Marami lang sigurong hindi alam sa sarili ko noon," sabi ni Jeric.
"Marami pa pala akong hindi alam sa'yo," ani Zarah.
"Marami pa akong hindi nasasabi sa'yo. Pasensya na," wika ni Jeric.
"Handa naman akong maghintay kapag
