Nagising na lang si Jeric sa Break Room. Nakaupo sa gilid nya si Andy.
"Mabuti at gising ka na. Kamusta na ang pakiramdam mo?" tanong ni Andy.
Nag-angat ng ulo si Jeric para bumangon pero pinigilan sya ni Andy.
"Magpahinga ka muna. Inatake ka na naman," awat ni Andy.
Lumingon si Jeric sa lamesita sa tabi ng sofa at nakita ang isang basyo ng gamot nya at pen injector.
"Ano pong nangyari?" tanong ni Jeric.
"Bigla ka na lang natumba. Dumadaing ka na masakit ang ulo mo bago ka nawalan ng malay. Mabuti na lang at may iniwan kang spare sa locker mo," kwento ni Andy.
"Mauupo na po ako," paalam ni Jeric.
"Kaya mo na ba?" tanong ni Andy.
Tumango lang si Jeric. Nang tumukod sya ay nakaramdam ng kaunting sakit sa kanang balikat. Inalalayan sya ni Andy na sumandal sa upuan. Kaagad naman pinat
