“HOY, BESIE! Anong ginagawa mo? Bakit ang kalat ng kama mo? Maglalayas ka ba?” takang tanong ni Shanstar kay Andi nang makita nitong halos lahat na yata ng damit niya ay nakakalat na sa kama niya.
Araw na kasi ng Sabado at mamaya na ang dinner niya sa family ni Philmar. At hanggang ngayon ay hindi pa rin niya alam kung ano nga ba ang isusuot niya.
“Alam mo namang mamaya na iyong ganap ko pero hindi ko pa rin alam kung ano ba ang dapat kong isuot. Ayoko namang magmukhang hindi kaaya-aya sa parents niya lalo na sa Mom niya.”
“Ano ba tingin mo dito sa mga damit mo? Disposable? Eh, hindi pa naman nakikita ng Mom niya na isinuot mo ito kaya isuot mo kung ano ‘yong mas komportable ka syempre.”
Napaupo siya sa kaniyang kama. “Besie, sa tingin mo dapat pa ba ako tumuloy?”
“Alangan namang hind
