“HELLO, Hawaii!!! Sabay na sigaw nina Andi at Shanstar nang makarating na sila sa bahay bakasyunan ng Tita niya sa Hawaii. Medyo kinabahan pa siya nang biglang pumasok sa isip niya ang naging panaginip niya noong nakaraang gabi ngunit agad niyang pinilig ang ulo at winaksi iyon sa isip.
Napaginipan kasi niya na inatake siya ng shark sa kanang braso niya. Pero hindi naman siguro mangyayari 'yon kasi sa tagal na nila nagpupunta roon ay wala pa silang nababalitaan na shark attack victim sa lugar. Kaya lang siguro niya napaginipan iyon dahil sa excited siya sa bakasyon nila sa Hawaii.
"Hoy! Tama na 'yan! Mamaya na kayo magsaya riyan, tulungan ninyo muna kami sa mga gamit. Ang dami ninyong gamit na dalawa! Parang hindi na kayo uuwi ng Pilipinas, ah?!" sigaw ni Tope na nagbababa na ng mga gam
