MATAPOS ang bakasyon nila ay balik eskwela na naman kaya naman todo aral sina Andi at Shanstar. At sa tuwing sasapit ang weekends ay bumabyahe sila pauwi ng probinsiya nila para doon mag-practice.
“Hay. . . Hanggang ngayon ay hindi pa rin ako makamove-on sa pinanood natin, Besie,” ani Shanstar habang naghahanda pa lang sila sa pagpasok nila.
“Alin? Iyong ‘Great Men Academy ba?” Tumango ito.
“Bakit? Ano ba ang hihilingin mo kung sakaling makakita ka ng unicorn?”
Napansin niyang ngumiti ito pero bakas pa rin ang lungkot sa mukha nito. “K-kahit naman humiling ako, hindi pa rin niyon matutupad ang kahilingan ko.”
Lumapit siya rito saka ito inakbayan. Alam na alam kasi niya kung ano ang hihilingin nito. Iyon ay ang ibalik ang oras kung kailan nawala ang kapatid nito. Siguro kung hindi ito
