TULAD ng p-in-lano ni Shanstar ay natuloy nga sila sa Zambales kasama si Emer. At tulad ng inaasahan nila ni Philmar ay wala ngang ibang ginawa ang dalawa kundi ang magbangayan sa mga walang kwentang mga bagay. Katatapos lang din nila magpahinga mula sa mahabang biyahe nang gisingin siya ni Philmar para mag-surf. Hindi naman niya ito matanggihan dahil iyon naman talaga ang pinunta nila sa Zambales.
"What's wrong, love?" Nag-aalalang tanong ni Philmar sa kaniya nang makarating sila sa pampang. Napansin kasi nito ang paghilot niya sa kanang balikat at ang pagngiwi niya dahil sa sakit. Nakaramdam na naman kasi siya ng pangangalay sa kanang balikat.
Mukhang hindi iyon basta ngalay lang kaya sumasakit, ganoon din kasi minsan ang nararamdaman niya kapag nagsusulat siya sa klase. Hindi naman s
