Carolina's point of view
"Masama ba ang pakiramdam mo ngayon? Kanina ko pa pansin na ang tahimik mo." Bahagya akong napatingin kay Eliezer na nagtatakang nakatingin sa akin.
"Kung paaalisin ba kita ngayon...aalis ka?" Halata sa mukha nito ang pagka-gulat sa tanong ko.
"Ayaw mo ba akong makasama? Anong problema? Para maayos natin kaagad." May pagsusumamo sa mukha nito, umiwas ako ng tingin sa mga mata niya. Pakiramdam ko kasi lalo lang akong ginugulo nito.
"Kung nag-aalangan ka sa intensyon ko sa 'yo, 'wag kang mag-alala. Wala akong ibang gustong gawin kung hindi ang mahalin ka." Muli niya akong iniharap sa kaniya.
"Sabihin mo sa akin lahat, maiintindihan naman kita." Kahit nag-aalangan ako ay pilit ko siyang tiningnan sa mata.
"Kapag sinabi ko sa iyo lahat. Alam kong iiwan mo na ako
