Carolina's point of view
Ilang araw na rin kaming palaging magkasama ni Eliezer. Ipinapasyal niya ako palagi sa bayan at minsan ay kasama namin siya kumain sa bahay. Kahit hindi gaanong sang-ayon si Inayah ay maganda pa rin ang pakikitungo niya rito.
"Baka mamayang hapon, narito na sila Christopher at Sandra." Agad akong napatingin kay Antonio, matapos niya itong sabihin.
"Mabuti naman at makikita ko na silang muli." Masayang saad ni Inayah.
Anak nila Esdang at Antonio si Christopher at asawa nito si Sandra. Isa rin sila sa nagpatunay na ang pagmamahal ay hindi lamang para sa dalawang magkaparehong nilalang. Kahit alam ni Sandra na engkanto ang kasintahan nito ay malugod niyang tinggap. Sana ganoon din ang mangyari sa amin ni Eliezer sa oras na umamin ako sa kaniya kung ano nga ba tal
