“Sinagot mo na si Daniel?! Kayo na?!” Hindi mabura ang ngisi ni Dira nang tinanong ako sa gabing iyon pagkatapos niyang madatnan dito si Daniel.
Umuwi rin naman agad si Daniel lalo na’t may trabaho pa bukas. Nangingiti akong tumango kay Dira na agarang tumili at nagtatalon talon sa tuwa.
“Omg! You’re taken! Hindi kana single! Finally!”
Sa sobrang lawak ng kanyang ngiti, pakiramdam ko ay mapupunit na ang kanyang labi. Tumawa ako at gusto siyang pakalmahin ngunit talagang natutuwa si Dira na hindi agad siya naka move-on.
“Edi nasusundan na ang kiss niyo? Naghoholding hands na kayo? O baka naman…” Nagtagal ang kanyang tingin sa akin at sa paraan ng kanyang pagkakangiti ay alam ko agad ang kanyang iniisip.
Umiling agad ako. “Wala kaming ginagawang iba pero oo… nagkikiss na… at naghoho
