Nagulat si Dira sa aking sinabi ngunit unti-unti rin namang huminahon ang kanyang ekspresyon nang mapagtantong normal ko naman talaga ang pagiging gano’n.
“Hindi ka komportable sa kanya?” tanong niya sa masuyong boses.
“Hindi lang talaga ako komportable sa kahit sino ngayon, Dira. Alam niyo namang kayo lang ng Kuya mo ang pinagkakatiwalaan ko.”
Natutop ang kanyang bibig at unti-unting tinatanggap ang aking sagot. Siguro ay naisip niya rin na buo na ang aking desisyon at alam niyang mahirap akong makihalubilo sa iba. Hindi niya na rin naman ako kinulit sa bagay na iyon lalo na’t buo na rin ang aking desisyon.
Marahil ay nabanggit niya rin iyon kay Daniel agad lalo na’t sa mga sumunod na araw ay namamataan ko lagi si Daniel na nakatanaw sa akin, halos nadidismaya ngunit hindi rin
